كيكه الشكولاته بالنوتيلا سهلة التحضير (طريقتي)
________________________________________
السلام عليكم ورحمة الله وبركاته
اليوم حبيت احطلكم كيكة رهيييييييييبة وسهلة وااااااااااااااااايد
اكيد المقادير موجوده بكل بيت وعاد خبروني حبيباتي شو رايكم فيها
بقوللكم عن المقادير
4 قشطة
كيكة كاكاو العلالي الجاهز الأسود
1 نوتيلا وسط
الطريقة:
تطبخين الكيكة العلالي
لين ما تجهز الكيكة خلطي 4 قشطة مع نوتيلا بالملعقة لين ما يصير لونها كاكاو وحطيها بالثلاجة شوي
وبعد ما تخلص الكيكة تنتظرين شوي عشان تدفأ الكيكة وبعدين تفتتين الكيكة كلها وتيبين صحن بايركس وتحطين نص اللي فتتيه بالبايركس وتضغطين عليه!
وتصبين الخلطة فوقه
لا تصبينه كله شوي وبحركة دائرية للباريكس عشان تحركين الخلطة ويغطي على كل الكيكة ... بس مب تيبين ملعقه وتحاولين تساوين لا لا لا
بعدين تيبين باقي الكيك المفتت وتحطينه فوقه كله وتضغطين بايدك خفيف لين ما يتغطا كله وتجيبين الخلطة وتصبينه فوق الكيك وطبعا بالحركة الدائرية تحركين الصحين عشان الخلطة تتحرك وتغطي باقي الكيك وتزين بجوز الهند
تحطينه بالثلاجة لمدة 4 ساعات
الإثنين يوليو 21, 2008 2:13 am
