قصة حقيقة لـ فتاة إماراتية مواطنة .. كتبتها بنفسها للعظة و العبرة ^_^

مرحــبــا مليوون بكل اللي حدر الموضوع

هــاي طال أعماركم قصة وصلتني عالايميل .. فـ حبيت أنقلها لكم لفائدتها الكبيرة ^_^

القصة حقيقة 100 % .. و البنت كاتبتها بنفسها ..

و تقول فيها :

السلام عليكم جمعيا بكتب لكم قصة واقعية وهاي القصة عني أنا بكتبلكم عن موقف تعرضت له

وعمري ماراح انساه اتمنى انكم تتعلمون درس من هاي القصةبداية قصتي كانت من فترة مب طويلة

يوم ياني اتصال من خارج الدولة , اول ما شفت الرقم ما اهتميت قلت أكيد بالغلط هذا كان في أول

يوم وفي اليوم الثاني شفت مصخوهاااا يتصلون فالساعة أكثر من خمس مرات أستغربت ما رديت

على الأتصال وعقب فترة ما قدرت قلت لازم أرد واهزبهم , رديت على المكالمة قلت ألووووووووووو

محد اتكلم جان ابند وعقب ثلاث ساعات في نص الليل ردوا يتصلون جان أرد قلت أمنو ؟؟؟؟؟

رد عليه واحد جان يقولن بلاج معصبه قلت له انت امنو ليش حاشرني جان يقول سوري أختي

مب قصدي ازعجك بس رقمج مخزن عندي من سنة جان استغرب واقول له لو سمحت اخوي بليز

لا ترد تتصل جان يقول بس صوتج عايبني وأنا مخزننه عندي من زمان قلت له كيف وصل رقمي

عندك قال أنا كنت متصل فيج من زمان بالغلط من سمعت صوتج ما قدرت أنساه وخزنت الرقم

عندي رديت عليه وقلت اصلا رقمي يديد وانا متأكده أني مب راده على رقم اي شخص وما أذكر أني

كلمتك وعقب قلت له حصل خير مع ألف سلامه لا تتصل ما فيه على المشاكل قال لا تخافين أنا

مب صغير ولا بيبي عشان ألعب عليج أنا واحد عاقل وكبير وعمري 30 سنة . هاي كانت البداية

ولعب الشيطان في راسي وكلمته لاني حاطه في بالي أنه كبير مابيجذب عليه لاني صغيره ومرت

الايام وحبيت أسلوبه بس كنت شاكه في بعض الأوقات أنه يستغلني كان يقول بعطيج بطاقتي عشان

تسحبين اذا كنتي محتايه قلتله مشكور أهلي مب مقصرين معاي يعطوني كل اللي أباه من هني حسيت

انه يقول جي لانه يبغي شي مني يستغل صغر سني بس نسيت السالفه وكنت اكلمه مب في كل وقت بس

يوم أهلي يطلعون وما كنت اكلمه بالليل لاني ارقد ابسرعه وكنت أستغرب منه ما كان يكلمني يوم يدخل

البيت أقول له ليش ما اتكلمني فالبيت يقول ما احب أهلي يشوفوني قلت له حتى في غرفتك ما تقدر جان

يعصب عليه وسكت وما سالته مره ثانيه ومرت الأيام قال أبغي أشوفج قلت ما أقدر لاني أخاف وانا

عمري ما طلعت ورحت مكان بدون اهلي حتى ربيعاتي ما أزورهم قال اذا اتعزيني واذا انت واثقه لووو

عشر دقايق خفت وقلت ما اقدر جان يزعل عقب جم أسبوع قلت اوكي بس عشر دقايق جذبت ع اهلي

حتى أهلي استغربوا لاني ما ازور حد قلتلهم بروح بيت ربيعتي وعقب يومين رحت وجذبت على ربيعتي

دخلت بيتهم وعطيتها اغراض وقلت لها الحين اختي تباني بروح معاها بس نص ساعه وبرد بيتكم قاللت

اوكي والله انها اعز ربيعاتتي واهالها ناس ملتزمين وعقب دليته البيت وكان يترياني وكانت هاي المره

الأولى أشوفه من شفته انصدمت كنت خايفة ايلس معاه قال لي ليش خايفة تعالي وقال لي ما تبين

اتين لانج حلوه وانا مب حلوو كنت مرتبكة وجان اركب معاه قلت له عشر دقايق قال اوكي جان يسووق

السيارة قلت له وين رايح قال ولا مكان ليش خايفة قلت خلاص ردني انا خايفة قال بس بروح

ملابس من المغسلة وبردج شفته رايح في طريج ثاني قلت أنت وين رايح ماشي مغاسل هالصوب

قال فيه يوم شفته رايح عالشارع العام خفت اكثر مب عارفه شووووو أسوي أنا غلطت ولازم اتحمل

المسوؤلية وعقب شفته رايح وين المراكز دخل في الباركات قلت انا ما أحيد شي مغاسل في الباركات

قال شي وعقب وقف السيارة قال لي أنزلي قلت مستحيل أنزل معاك في هاي الأماكن قلت له انا

بنزل بروح البيت بدبر حالي بروح باي شي قال مستحيل تنزلين ما بخليج اذا تبين تنزلين اتصلي في

اخوانج ياخذونج ما عرفت شو أسوي بيذبحوني أهلي خفت خفت خفت حسيت عمري انب بموت في

هاليوم وهذا آخر يوم في حياتي ما عرفت شو أسوي قال لاتخافين تعالي معاي فوق بآخذ ملابس وبنسولف

خمس دقايق وبننزل وأنا صدقته وعلى نياتي نزلت وانا ارتجف من الخوف مب عارفه اني برد البيت

ولا لا رحت معاه وانا دموعي في عيني وهو مستانس جنه اليوم عرسه تدرون أن هو كان حاجز غرفه يوم

عرفت قلت هاليوم ما بيمر على خير دخلت الغرفه معاه كنت اترياه ياخذ ملابسه بس عرفت أنه جذب عليه

يلست على الكرسي ودخل ويلس حذالي حسيت أن قلبي بيوقف ابتعدت عنه كان يتقرب كل شوي مب

قادره اكتب لكم كل اللي استوه والله اني اعيش هالايام وانا أتذكر الموقف هذا مب قادره أنسى اللي استوى

مب عارفه اشكي حق أمنو مب عارفه إذا هو سوى فيني شي راح يضرني فالمستقبل أنا ادري انكم بتستغربون

من قصتي لاني كتبته لكم والله مب قادرة اخلي هالشي في داخلي النذل استغلني وأنا مب عارفه لين الحين شو اللي

استوى بالضبط لأني كنت في صدمة ومرضت بس ا خبرت حد لاني اهلي واثقين كل الثقة فيني واكثر

وحده فالبيت يعزونها من كل أخواتي خايفه من اللي صار مب محصله اللي يوقف معاي أنا ما قلت كل اللي صار

لاني بطيح من عينكم واكتشفت بعدين ان هالشخص متزوج بس الله يسامحه هذا انسان ما يخاف ربه وعقابه

عند رب العالمين والله البنت أهم شي عندها سمعتها وكرامتها وشرفها بس انا ما حافظة على هالشي والحين

أنا أعاني ليل ونهار مب قادره أنام شرات الناس بس أدعي الله أنه ما يكون سوى في شي واتمنى من كل بنت

ما اتكون علاقات مع اي شاب لان البنت مثل الجوهرة اذا خسرت نفسها خلاص راح ينتهي كل شي

واضيع واتمنى من كل شاب ما يستغل اي بنت لان اللي يسوي هالشي راح يندم عليه بعديم وما بيعيش

حياته سعيد لان الله فوق ورب العالمين ماراح يغفر له قصتي أكبر من جي بس مب عارفه كيف اقوللكم

لو بإيدي جان انتقمت من هالانسان بس مب بإيدي شي وهالشخص واحد ما يخاف ربه خدعني ودمر

حياتي بس انشالله الله ياخذ حقي منه مب عارفه شووو اسوي خايفه اخبر اي شي لاني خايفه على سمعة

اهلي وخاصة أخواني اللي يعزوني أكثر من كل خواتي والله أني كل ما أشوف أخواني اتذكر الموقف وأدمع

وأقول في خاطري ليش كلمته وخنت ثقة أخواني اللي ما قصرو معاي في شي وعطوني الثقة والامان اتمنى

أشكي حق حد بس مب محصله شخص يسمعني وأنا أدرري اي واحد بيقرأ قصتي بيقول أني بايعه عمري

بس أنا مب من النوع اللي يطلع مع الشباب والله في بنات دووم يطلعون ويسوون بلاوي الدنيا بس ما

استوى فيهم جي الناس ما اتسامح خاصة في مجتمعنا الإماراتي ما اعتقد ان في واحد بيفكر يتقدم لي إذا

عرف هالشي وانا بنفسي أخاف يتقدم لي شخص وما أقوله اللي صار مب قادره أخدع اي انسانوالله

لعب الشيطان في راسي بس قلت عشر دقايق بس النذل جذب عليه واستغلني لاني على نياتي لعب

في مشاعري وأنا صدقته للأسف بس شووو استفدت غير اني خسرت نفسي وسمعتي هااااااااااااي نهايتي.

همسة >> هالله هالله في أعماركن يا بنوتات .. و إن شاء الله العبرة اتكون وصلت للكل ^_^ <<

{ الله يْكُوٍوٍنْ بْعُوٍوٍنْهَآـآآ .. وٍ يِنْتِقِمْـ مِنْهَـ ..’

مَشْكُوٍرِ خَيُوٍوٍ عَ الْقِصَّهـ الْمُعَبِرَّهـ ..’

نِتْرِيَآـآ اليِديدْ مِنْ يِدَآآكْـ ..’

^^ ..’

لآآ حول ولآآ قوََ إلا بالله ..،

والله يع ـينهآآ يارب ..،

يسلمـــوٍوٍوٍ ع َ القصه ^^

الله يعينها

تسلم ع الطرح المميز وع المجهود الطيب

تقبل مرووووري اخوك اسير الابداع

لا حول ولا قوه الا بالله العظيم

ياشباب يابنات اتقو الله حق تقاته ولا تموتن الا وانتم مسلمون
حسبي الله ونععم الوكيل
تسلم الغالي ع الموضوع ويارييت لوحد يقدر يساعدها لو بالرسايل
لو قدرت بساعدها
لاتحرمنا من ابداعاتك

الله يهــــــــــدي الجــــــــــــميــع ان شاءالـــله ....واللــه يـــساعدهاا ان شاءالله .....

ومشــــــــــكوووووور أخـــــــووووويه ...

يسلمووووو ع الموضوع
وننتظر يديدك

الله يهدي الجميع

يسلموووو ع القصه

» قصة عن فتاة